ჩინგიზ კანაპიანოვი

ჩინგიზ კანაპიანოვი არის GEC-ის პარტნიორი, რომელიც ხელმძღვანელობს ყაზახეთის ოფისს. აღმასრულებელი მენეჯმენტისა და საექსპერტო საქმიანობის ოცწლიანი გამოცდილებით, ჩინგიზი სანდო ექსპერტია საერთაშორისო განვითარების, მმართველობის, სტრატეგიისა და სამთავრობო ურთიერთობების კუთხით, მრავალ სექტორში. მათ შორისაა: ფინანსები და კაპიტალის ბაზრები, ოქროს მოპოვება, საქონელი, მწვანე ტექნოლოგიები და განახლებადი ენერგიები, უნივერსიტეტები/კვლევითი ცენტრები და არასამთავრობო ორგანიზაციები ცენტრალურ ევრაზიასა და ყაზახეთში.

ჩინგიზის განსაკუთრებული ექსპერტიზა მდგომარეობს მყარი ორგანიზაციული სტრატეგიების შემუშავებაში და ფინანსური მართვისა და შესრულების გაუმჯობესების ხელშეწყობაში. ის არის კვალიფიციური ფინანსური ანალიტიკოსი და აქვს ორგანიზაციული განვითარების ხელშეწყობის გამოცდილება, მათ შორის ფინანსური და მდგრადობის ანალიზის კუთხით. ჩინგიზს ფართო საერთაშორისო ქსელი აქვს და მჭიდროდ თანამშრომლობდა ცნობილ საერთაშორისო დონორ ორგანიზაციებთან, ფინანსურ ინსტიტუტებთან და პროფესიულ გაერთიანებებთან.

GEC-ში შეტანილი წვლილის გარდა, ჩინგიზი არის ნიდერლანდების სამეფოს საპატიო კონსული ალმათიში, დამოუკიდებელი სამეთვალყურეო საბჭოს წევრი სს „ხალიკ ბანკი საქართველოში“ (Halyk Bank Georgia) და ქვეყნის დირექტორი და საბჭოს თავმჯდომარე ცენტრალური ევრაზიის ლიდერთა ალიანსში (CELA). ის ასევე არის დამოუკიდებელი დირექტორი და აუდიტის კომიტეტის თავმჯდომარე მწვანე ტექნოლოგიებისა და ინვესტიციების საერთაშორისო ცენტრში, დამოუკიდებელი საბჭოს წევრი და სტრატეგიის კომიტეტის თავმჯდომარე ყაზახურ-ბრიტანულ ტექნიკურ უნივერსიტეტში, და ევრაზიის კულტურის ფონდის ვიცე-პრეზიდენტი.

ჩინგიზი ფლობს მსოფლიო ეკონომიკის მაგისტრის ხარისხს (MA) და საერთაშორისო ეკონომიკური ურთიერთობების ბაკალავრის ხარისხს (BA) მოსკოვის საერთაშორისო ურთიერთობების სახელმწიფო ინსტიტუტიდან (MGIMO), ასევე საერთაშორისო ეკონომიკური ურთიერთობების ხარისხს ალ-ფარაბის ყაზახეთის ეროვნული უნივერსიტეტიდან.